زايـــــــــــــــــــــــــــــــــد..على كرسـي الاعتــراف...اتفضل

Hassan sallam كتب:احمد زايد اظن انا بذات مستني اليوم ده من زمان طبعا انا مبسألش زي الناس دي اول حاجه اسباب تغير احمد زايد السنه دي ايه وللايضاح اكتر مش ده احمد بتاع السنه اللي فاتت ومتقولش مفيش وهل انا سبب في الاسباب دي ول لا والكلام بجد

اظن ياابو علي انها جاتلك علي الطبطاب بس بجد سؤالك ده هيخليني افتح قلبي معاك ومع اخواتي الاعضاء وهتكلم معاك بكل مصدقيه بس ربنا يستربجد لان اللي هفتكره وانا بتكلم هيبقي صعب شويه عليه

بص يا ابو علي والله انا مش عارف قصدك بس هجاوب حسب فهمي لسؤالك
انا متغير ليه اتفق معاك ان اناالسنه دي متغير بالفعل بس الله اعلم ان كان للاحسن او الاسوء انت تقدر تفيدني في الموضوع ده بس وعلشان نتكلم بطريقه علميه شويه بيقولك لكل سبب مسبب له يعني اسباب تغيري انا هقولهالك سريعا كده
السبب الاول انت هتتفق معايا فيه احنا خلاص كبرنا وبقينا ناس علي اعتاب التخرج يعني لازم نتغير شويه عن الدماغ اللي كنا ماشين بيها قبل كده

السبب التاني ان احنا برده في اخر سنه ومفيش مجال للهزار في السنه دي وانت تعلم ذالك

حاجه تانيه ممكن افهمها من كلامك ودي ممكن انت تكون قاصدهافي كلامك ولا لآ مش عارف بس انا هرد برده حسب فهمي لسؤالك لو تقصد اني بقيت منطوي شويه ومش مندمج معاكم زي زمان هقولك بكل مصدقه صح كلامك 100% ومقدرش اقولك مش صح بس ده برده ليه اسباب منها انا قولته في ردي علي الاخت عاشقة الجنه وهو ان احيانا ان الشخص بيكون جواه هموم فيحاول يبعد علشان مش اشيل حد همي وانت عارفني في الحكايه دي كويس ان انا اصلا باجي علي نفسي احسن ما اجي علي حد ويزعل طيب ليه اشيل حد هموم ملهوش فيها اساسامع ان الضغوط وصلت لحد انا معدش قادر اتحمله بجد وانت تعرف ده وافتكر موقف حصل وقلتهولك يوم ما كنت قاعد انا وانت عند الزراعه وقولتلك اني مشيت من المحطه للمجمع وحكيتلك جزء من الضغوط اللي كانت عليه في الوقت ده
يا ريت يا أبو علي اكون فهمت سؤالك صح ولو مش فهمته صح يا ريت توضح وانا علي اتم استعداد للاجابه وبكل مصدقيه

Hassan sallam كتب:بصراحه يازايد اجابه نموزجيه لدرجه انك لو كتبتها في الامتحان تجيب جيد جدا بس لانك نسيت بقيت السؤال بتاعي وهو انا ليا سبب في بعض هذه المشاكل ول لا /طبعا مفيش اثنين يختلفوا علي انك من اجدع الصحاب اللي انا اعرفها وانك من ارجل الشخصيات اللي انا صحبته هل عمرك حسيت ان مجدعتك دي ومرجلتك استغلت من قبل بعض الناس خطأ وأذاي؟ جاوب بقي انت لسه شفت حاجه يا زايد كل ده لسه في البدايه

لا مش نسيت يا ابو علي والله بس الاجابة تقدر تستنتجها منن كلامي وهو انه لا طبعا انت ايه دخلك في الضغوط بتعتي انت واحد من الناس اللي بحب اتكلم معاهم وانت عارف كويس وحصل مواقف كتير تدللك علي كده

نيجي بقي للسؤال التاني وخف شويه الا مش هوديك امتحان التجاري سليم ياااااه والله كتير ايا ابو علي بس انت عارف ان مش بدي الحاجات دي جزء من تفكيري يعني بيقولك اعمل الخير وارميه البحر يعني من الاخر فكك اللي بيضحك بيضحك علي نفسه وبس ومن حيث ازاي دي في مواقف كتير حصلت الواحد طلع فيها جدع وبعدين لقيت رد فعل عكسي من الجانب الاخر ومفيش داعي لذكر امثله بس تأكد ان فيه كتير بس قمة الغباء بجد انك توضح للشخص غلطه اللي عمله في حقك ويرجع يكرره تاني

مورا كتب:
عندك حق بس متهيالي اللى تقوله مثلا بيضايقنى كذا وكذا ويكرر الغلط افتكر بيكون قاصد
يعني انا لما حد يغلط ف حق واقوله ده ضايقنى ويكرره باخد موقف معاه لانى بحس انه قاصد

نيجي لسؤالى بقى
اكتر حاجة حسيت انك غلطت لما عملتها

عندك حق يا مورا انا فعلا بتجنب المعامله مع الشخص ده بس مش بقطع علاقتي تماما معاه

اكتر حاجه اني سمعت كلمكم وجيت علي الكرسي هنا شكلكم متفقين عليا ولا ايه ههههههههه لا طبعا دي حاجه اسعدتني كتير ان اكون موجود هنا علي كرسي الاعتراف .... اكتر حاجه بجد كانت اللعب ايام تانيه ثانوي كنت مقاضيها لعب ومش كنت بذاكر واما فقت من الغيبوبه دي لقيت النتيجه ظهرت وكنت علمي وجبت 76 فاشل يعني كنت عايز ادخل كليه غير اللي اتا فيها وحولت ادبي طبعا والحمد لله فقت من الغيبوبه دي وجبت في ثالثه 93 يعني السنتين 84.5 وجتلي اداب انجلش بس فضلت ادخل حقوق وحولت في فترة التحويلات ويومها قبلت صاحبي حسن هو كمان كان رايح يحول والحمد لله كان قرار صائب ان دخلت حقوق

بويكا كتب:منور يا زايد كرسي الاعتراف
فعلا فترة السنوي كانت كلها لعب وانتا فاكر احنا كنا بنعمل اية كلها فترة لعب كورة
‏
سوالي لزايد
هل جربت احساس الظلم وهل زايد ظلم حد ولا انظلم؟
‏
سوال كمان
هل زايد سعيد في حياتة

اه جربته يا بويكا من ناس كتير بس انت عارفني بسامح ومش بحب اشيل من حد وتفتكر وانا في اولي اتظلمت قد ايه في مادة الاقتصاد بس الدكتور صالحني السنه اللي بعدها .... بس عجبني سؤالك اني ظلمت حد قبل كده انا مش سألت السؤال ده لنفسي قبل كده اجابتي بقي الله اعلم لان مش عارف الصراحه انا ظلمت حد قبل كده ولا لآ بس يا رب يبقي لا لاني مش بحب الظلمابداً
2- الحمد لله والشكر لله بس الانسان بطبعته متقلب الاحوال شويه سعيد وشويه حزين بس انا افتكر ان التانيه بتبقي كتير شويه عندي

DoDo كتب:شغل المحامين هيشتغل بقى هههههههه

مين اكتر حد اثر فى حياتك
ومين اكتر شخص تتمنى انه يفضل جنبك

سؤال حلو يا دودو شئ اثر في حياتي هو الشغل علمني اتعلم المسؤليه والالتزام اما مين هو اكتر شخص اثر فيه هو جدي والد ماما كان راجل بسيط جدا بس دماغه عبقريه هو اللي علمني كل حاجه الله يرحمه ويسكنه فسيح جناته

اكتر شخص اتمني انه يفضل جنبي واحد زميلي ثقتي فيه ملهاش حدود وياريت نفضل علي طول ثقتنا في بعض ملهاش حدود