كرسي الاعتراف...الضحية التالتة.....مــــــورا

السلام عليكم



بما ان الاستاذ الفاضل بويكا دبسني مكانه
ف مع كل اسف انا هبقى الضحية التالتة لكرسي الاعتراف

من النهاردة ولغاية يوم 11/12

ياريت تخفو عليا ف الاسئلة واللى عنده سؤال بلاشه احسن ههههههههههه



مستنياكم

الســـــــــــــــــــــــــــــــلام عليكم

ازيك يا استاذه مورا


الاسئله كالاتى

1_ الاسم والسن والعنوان ورقم البطاقه والانكار مش هيفيدك لازم تعترفى

2_ هواياتك

3_ ليه دخلتى الاداب

4_ ويا ترى ايه هتستفديه منها


دلوقتى كفايه كده

الاسم مورا
السن 20 ف 5/1 الجاى ان شاءالله
العنوان طنطا ... كده كفاية ياباشا


هوايتى زى ماتقول كده بحب اقرا اوى بس برضه زى ماحضرتك عارف بحب انواع معينة م الكتب


دخلت اداب عشان مجموعى بس دلوقتى انا بقول الحمد لله انى دخلتها ومش دخلت غيرها..حبيتها اوى


مش هستفيد منها حاجة حتى كنت مفكرة انى ممكن اتعل انجلش كويسة عن طريقها لقيت التعليم مش حلو ولما اخلص ناوية اخد فيه كورس...بس بفكربخصوصها ف حاجات كده ربنا يسهل وتحصل

مورا ايه اكتر حاجه بتسعدك
مين اكتر شخص ممكن يخرج مورا من اصعب حاله هى فيها
هى اكتر حاجه ممكن تحاولى تعمليها عشان تقربى من ربنا سبحانه وتعالى اكتر

مفيش حاجة محددة بتسعدنى يمكن حاجة صغيرة اوى تسعدنى ف حين ان لو حصل حاجة كبيرة ممكن مفرحش بيها اوى
مثلا كنت السنة اللى فاتت الترم التانى واقفة على مادة لو شلتها هعيد وكمان كنت حليت وحش اوى ف مادة ف على وشك انى ادبلر لما طلعت النتيجية عرفت انى نجحت وبتقدير مع ذلك مكنتش مبسوطة



..انا .. عارفه علاجى فين



لما بقرب من ربنا بتبقى حياتى كلها لله اصلي واصلي سنة وقيام ليل وابعد عن التليفزيون نهائي واقرا قران كتير واقعد انزل ف محاضرات واسمع حاجات كتييييييييييييييييييير بس للاسف مش بداوم

والله المواقف اللى بتضايق فيها كتير خصوصا انى بقيت عصبية زيادة عن اللزوم
بس يمكن اكتر موقف معلق معايا مشكلة مع اصحابي .. مش هحكى ايه اللى حصل
بس المشكلة دى معلقة معايا لانى عمرى ماكنت غبية مع حد بس قليل لما بلاقى حد كويس معايا بس برضه مع بعض هروح فين يعني


كريم يازايد ربنا يخليك سؤال واحد ايوه كده

رغم اني مش بدخل علي طول عشان المذكرة والامتحانات لكن شكلي اول واحد حيسأل لان الواضح ان اناس خيفها من مورا مش حد راضي يسأله انا بقي حسأل اولا ايه هو اصعب موقف اتعرضتي لها وايه هو اكتر موقف محرج؟

انا نقلت مشاركتك هنا ياحسن لانها المفروض تكون هنا
اصعب موقف لما كان عندى امتحان حضارة وكنت تعبانة وكانت درجة حرارتى 40 مع ذلك حليت الاصعب منه ان لما النتيجة ظهرت لقيت الدكتورة ظلمانى جدااااااااااااااااااااااا ف المادة دى

اكتر موقف محرج......اممممممم لما بكون صاحية بدري عموما مش بكون ف المود ف ممكن اعمل اى حاجة ههههههه


نورت بمرورك ياحسن وزااااااكر كويس

قوليلى بقى ياقلبى
متخافيش هههههههه
ايه اكتر وقت بتحسى انك سعيدة فيه
فى حاجة راحت منك زعلتى عليها وايه هى الحاجة دى؟
كفايا كدا مش هتقل عليكى

ماشي يادودو دبسيني ياستى باسئلتك ههههههههه
اكتر وقت بحس انى مبسوطة فيه يمكن لما بحقق حاجة كنت عايزاها لانها بتبقى تحدى مع نفسي ف لما بنجح ف تحدى بحب نفسي وبكون مبسوطة..اما لو تقصدى اكتر وقت بكون مبسوطة ومرتاحه فيه الصبح اوى بعد الفجر مباشرة اوقات بفضل صاحية بس عشان الساعتين دول


اللى راح منى وزعلت عليه من بداية سنة اولى لغاية الترم الاول ف تانية يعني سنة ونص ضيعتهم بلعب واستهتار جامد الصراحه بس حاولت بعد كده انجز من تانى ..
نورتيني يادودى

ماشي يا مورا خدي اللي بعده ايه اكتر حاجه بتفرحك ؟ وامتي حسيتي بالندم علي موقف عملتيه ؟ ومن هو الشخص القادر علي التأثير عليكي ومن الشخص اللي انتي بتأثري عليه؟

اكتر حاجة بتفرحنى انى اشوف نفسي ناجحة مش بس ف الدراسة لا ف اى حاجة اتحديت فيها نفسي

حاجات كتير اكترها ان حد يفضل كويس معايا لغاية ماعمله حاجة بعدين يتغير عليا بعد ماعمله اللى كان عاوزه بندم بقى انى عملتله/ها حاجة

باثر على ناس كتير اكترهم صحابي لان شخصيتى قوية شوية
لكن الشخص اللى بيأثر فيا هيكون شخص بحبه لدرجة انى مش عايزة ارفضله طلب..بس الحمد لله لسه مجاش الشخص ده ومش عايزاه يجي عشان متخلاش عن شخصيتي القوية اللي بحبها

انا مش بقول لك ان الناس خيفه منك هو مش حد حيسأل غيري يال اللي بعدها ايه هو الموقف اللي خلاكي دمعتي كتير؟ ومتي حساتي انك اضعف انسانه علي وجه الارض؟

Hassan sallam كتب:انا مش بقول لك ان الناس خيفه منك هو مش حد حيسأل غيري يال اللي بعدها ايه هو الموقف اللي خلاكي دمعتي كتير؟ ومتي حساتي انك اضعف انسانه علي وجه الارض؟

يابنى اليويمن دول محدش بيدخل عشان المزاكرة عالم دحيحة عقبال عندنا

حكاية دمعت كتير دى بتحصل كتير بس لانى عصبية اوى وكنت ف فترة بشتغل تيتشر فكنت بتعصب عالعيال والمدرسين كتيييييير اوى ف كنت بحس ان اعصابي بتبوظ ومش بعرف اركز مع نفسي تانى غير لما اقعد اعيييييييط لان ده بيريحنى...دى اكتر اوقات كنت بدع فيها طبعا غير لما بقشر بصل كمان
ههههههه


عمرى ماحسيت انى ضعيفة ومع ذلك بتمنى احس الاحساس ده عشان احس انى انسان عادى مش سوبر ومان هههههه لا مش بحس بضعف خالص بالعكس انا قوية جدا وقوتى تعبانى كمان

zayed كتب:

منوره التوبك بأجباتك يامورا اجابات نموذجيه بجد خدي بقي اسئلتي
*مين اكتر حد قريب منك وتحبي تقوليله اي خبر حلو يخصك حد من زمايلك ولا مامتك؟
*ليه مش بتثقي في حد وموقفك هيتغير لو حد وثق فيكي ممكن تثقي فيه؟

شوفت يازايد الاجابات دى لو احطها ف الامتحانات كنت جبت امتياز

اصحابي قريبين منى بس برضه زى مانت عارف مش بدي الامان لحد خالص 100% يعني

الناس كده كده بتثق فيا بس انا اللى اتعودت لا اثق ف حد ثقة مطلقة ولا اخون حد على طول ومفتكرش موقف هيتغير خالص لان دا مريحني

اين هي افضل سنه بنسبه ليكي حسيتي انك حققتي فيها كتير من اللي انتي عيزاها ؟ لو خيرواكي انك تكوني في المستقبل ول ترجعي للماضي تختاري ايه وليه؟ عمرك حساتي بالظلم ولو حساتي حساتي بيها اذاي؟

تانية ثانوى جبت مجموع حلو اوى ودى اكتر سنة حققت فيها نجاح

الماضي مش بحبه لانى اتغيرت كتيييييييييييييييييييييييير اوى عن زمان ومش كنت بحب نفسي زمان
والمستقبل معرفوش لكن لو اضمن ان المستقبل يكون زى مابتمنى هختاره طبعا ولو لا يبقى ارجع الماضي واغير من نفسي بقى وخلاص

حسيت انى اتظلمت وكن ظلم واضح اوى وى اوى اوى ف مادة ف الترم التانى من تانية الدكتورة ظلمتنى جامد والله وفضل لغاية دلوقتى اقول حسبي الله ونعم الويل فيها