لعبة الصراحة

    شاطر
    avatar
    happy
    مساعد مشرف
    مساعد مشرف

    تاريخ التسجيل : 05/06/2011
    العمر : 27

    لعبة الصراحة

    مُساهمة من طرف happy في الخميس أغسطس 11, 2011 3:12 pm


    أنا جيبت اللعبة دى علشان بجد عاوزة أتعرف عليكم أكتر

    بس أهم حاجه الصراحة.


    ـ كم مرة رسبت في دراستك.؟ بدون كذب


    2ـ لو قال لك المصباح السحري إختر أمنيتين حتختارإيه....؟


    3ـ بصراحة كان نفسك تطلع إيه......؟


    4ـ أنت بتشتغل ولاطالب بتدرس....؟


    5ـ في أي مدينه ساكن ......؟



    6ـ كم ساعة تجلس على النت........؟


    7ـ متى آخر مره انضربت ؟ ومن مين ؟ وكان إيه السبب ؟


    8ـ إذا إكتشفت إن صداقتك مع إنسان مزيفة إيه اللى حتعمله.....؟


    9ـ كم منتدى أنت مسجل فيه.......؟


    10ـ ما أصعب موقف مر في حياتك ..........؟


    11ـ من هو أهم شخص في حياتك ............؟ <-------------- ? ? ? ? ?


    12ـ كم مرة حبيت.وكم مرة اتظلمت فى الحب وهل انجرحت ولا جرحت......؟


    13ما هي أمنيتك في الحياة ...............؟


    14ما هو المكان الذى تلجأ إليه عند الشعور بالوحدة وعذاب

    الدنيا؟


    15- هل تثق بأحد من أصدقائك ومن هو ........؟



    16-من هو العضو المفضل لديك بهذا المنتدى وبأمانة ............؟
    avatar
    hassan sallam
     
     

    تاريخ التسجيل : 20/11/2010
    العمر : 28
    الموقع : http://www.ar-hp.com

    رد: لعبة الصراحة

    مُساهمة من طرف hassan sallam في الخميس أغسطس 11, 2011 6:16 pm

    من حظي اني انا وقعت الاول يلا مش مشكلة :


    1:لو رسبت خالص الحمد للة انا مش رسبت خالص الحمد للة لكن شيلت مادة في الكلية وكانت كمان (لغة) في ثانية

    2:الامنية الاول اني اكون في منصب كويس والثانية اني اظل محترم في عيون جميع الناس وحافظ علي مكانتي بينهم واظل محبوب من الناس جميعنا

    3: نفسي كون وكيل نيابة

    4: انا لسه مخالص ومش بشتغل غير لما اشوف جيشي الاول

    5:انا المدينة دمنهور لكن انا اصلا من مواليد قرية

    6: في العادي5 ساعات لكن الان لم اجلس كثير عشان مش فاضي زي الاول

    7: مش فاكر بالضبط بس من فترة ومن مين من والدي كان السبب برضة والله العظيم مش فاكر

    8:اكيد هبعد عنها تماما ومش هكلمة تاني

    9: لا كتيير اوووي لدرجة اني سعات مش ببقي عارف اني مسجل فية ولكن افتحة القية بيفتح وكمان في منتديات كبيرة مش بتأخذ اعضاء تاني غير بفلوس

    10:انا من الناس اللي مر عليا مواقف صعبة كتير في حياتي يمكن منها بعد النتيجة الثانوية في سنه تانية ومش كنت جايب مجموع كبير سمعت تعليق من احد من زميلي خلاني ابكي لحد تاني يوم وده من اسباب اصراري للي وصلتله دلوقت.

    11: اهم شخصية في حياتي عمي وهو مثلي الاعلي

    12:حبيت مرة وحده وانظلمت في حياتي انا شايف كتييير وانجرحت المرة الوحيده اللي حبيت فيها

    13: اني كون في منصب اسعد بيها اهلي

    14:المكان الوحيد اللي برتاح ليه هو البحر والبلد الوحيدة اللي برتاح ليه الاسكندرية لكن مش بنزل كتير

    15: اثق في كثير من اصدقائي زي زايد ومحمد العطووي ومحمد النوام

    16: العضو المفضل في المنتدي هو اكثر من شخص والله العظيم بس اكثرهم تأثير في المنتدي هو زايد بستثناء الفترة الاخيرة دي بسبب ظروف شغلة


    اتمني اني اكون قولت الصراحة كاملة دون اي كذب وشكرا اووي يا هابي علي الموضوع
    avatar
    أمة الله
     
     

    تاريخ التسجيل : 31/05/2011
    العمر : 29

    رد: لعبة الصراحة

    مُساهمة من طرف أمة الله في الخميس أغسطس 11, 2011 7:37 pm

    ـ كم مرة رسبت في دراستك.؟ بدون كذب
    انا نزلت فى سنه تانيه كليه ( السنه الوحيده اللى ذاكرت فيها وكنت بدأت احب الكليه )

    2ـ لو قال لك المصباح السحري إختر أمنيتين حتختارإيه....؟

    الاولى : انى اشتغل حاجه اثبت ذاتى فيها واكون متفوقه فيها
    التانيه : نفسى اللى ارتبط بيه يكون فاهمنى بجد ميكنش جواز وخلاص زى اليومين دول

    3ـ بصراحة كان نفسك تطلع إيه......؟
    مهندسه زراعه بس محصلش نصيب

    4ـ أنت بتشتغل ولاطالب بتدرس....؟
    خلصت الحمد لله ولسه بعد العيد باذن الله هنزل اشتغل دا لو حصل نصيب

    5ـ في أي مدينه ساكن ......؟
    انا اصلى من كفر الشيخ بس مقيمه فى بلد تابعه لطنطا


    6ـ كم ساعة تجلس على النت........؟
    ساعتين على الاكتر

    7ـ متى آخر مره انضربت ؟ ومن مين ؟ وكان إيه السبب ؟
    يااااه كنت فى تالته اعدادى وكان نفسى اطلع العب مع بنات الشارع وبابا مكنش بيوافق لانهم مش اد كده يعنى وفى مره قالى انزلى بس متتأخريش وناديهم يقعدوا عند الباب متروحيش فأنا روحت عندهم واتأخرت كمان وندهلى بعد ساعتين واخدت علقه مووت مش هنساها طول عمرى

    8ـ إذا إكتشفت إن صداقتك مع إنسان مزيفة إيه اللى حتعمله.....؟
    انا اكتر صداقاتى كانت مزيفه والمشكله انى مكنتش بعرف غير لما ياخدوا المصلحه من الواحد بس الواحد دلوقتى مبقاش بياخد معنى الصداقه زى زمان

    9ـ كم منتدى أنت مسجل فيه.......؟
    المنتدى ده بس

    10ـ ما أصعب موقف مر في حياتك ..........؟
    لا دا فيه كتير انا حياتى كلها مواقف صعبه
    يعنى ممكن نتكلم فى انى نزلت فى تانيه

    11ـ من هو أهم شخص في حياتك ............؟ <-------------- ? ? ? ? ?
    ماما واختى

    12ـ كم مرة حبيت.وكم مرة اتظلمت فى الحب وهل انجرحت ولا جرحت......؟
    انا بقى ببعد عن سيره الحب نهائى من اللى شفته من صحباتى كرهت حاجه اسمها حب بخاف انى اجرح او انجرح

    13ما هي أمنيتك في الحياة ...............؟
    ان اهلى يرضوا عنى دايما كده واكون زى ما هما عاوزين يشوفونى دايما وطبعا رضا الله عنى

    14ما هو المكان الذى تلجأ إليه عند الشعور بالوحدة وعذاب
    الدنيا؟
    حضن ماما

    15- هل تثق بأحد من أصدقائك ومن هو ........؟
    انا الصداقه عندى ازيك اخبارك ايه مش اكتر


    16-من هو العضو المفضل لديك بهذا المنتدى وبأمانة ............؟

    والله كلهم ما شاء الله كويسين بس ممكن نقول عطر الندى وحشانى جدا هى كانت معايا فى اللجنه واحنا الاتنين مسجلين فى المنتدى ومكناش نعرف انوا واحد

    موضوع رائع ياهابى تسلم ايدك ياريت انتى كمان تجاوبى على الاسئله
    avatar
    شطا الحجرى
     
     

    تاريخ التسجيل : 19/11/2010
    العمر : 28

    رد: لعبة الصراحة

    مُساهمة من طرف شطا الحجرى في الخميس أغسطس 11, 2011 11:26 pm


    ـ كم مرة رسبت في دراستك.؟ بدون كذب

    * رسوب سنه ولا مره

    2ـ لو قال لك المصباح السحري إختر أمنيتين حتختارإيه....؟
    امنية غريبة شوية , انى انهى حياتى


    3ـ بصراحة كان نفسك تطلع إيه......؟
    و انا فى الاعدادى كنت بحب العلو و بقرأ عن جاليلو و و كان نفسى ادخل كلية علوم و ابقى عالم زيهم cheers

    4ـ أنت بتشتغل ولاطالب بتدرس....؟
    و الحمد لله خلصت الدراسة و لسه حبدأ التمرين بعد اما اخد الاعفاء من الجيش


    5ـ في أي مدينه ساكن ......؟

    دمنهور

    6ـ كم ساعة تجلس على النت........؟
    تقريبا اكتر من 6 ساعات

    7ـ متى آخر مره انضربت ؟ ومن مين ؟ وكان إيه السبب ؟
    على ما افتكر و انا فى خمسه ابتدائى و كان من والدتى ببس مش فاكر ليه


    8ـ إذا إكتشفت إن صداقتك مع إنسان مزيفة إيه اللى حتعمله.....؟

    حسيبه و أخلع ألى زى كدا ما ينفعش معاه عتاب

    9ـ كم منتدى أنت مسجل فيه.......؟

    كتير جدا , لكن ما بشاركش غير هنا و على بيدج الفيس بوك

    10ـ ما أصعب موقف مر في حياتك ..........؟
    الفترة الى انا فيها دلوقتى

    11ـ من هو أهم شخص في حياتك ............؟ <-------------- ? ? ? ? ?
    يمكن انا او محدش ولا حتى انا

    12ـ كم مرة حبيت.وكم مرة اتظلمت فى الحب وهل انجرحت ولا جرحت......؟

    الحب مش شرط مع الجنس الاخر ولكن الواحد انجرح فى كل الاشخاص الى وثق فيهم


    13ما هي أمنيتك في الحياة ...............؟
    انا كان ليا امنيات كتيرة منها انى اكون من اهم رجال العالم و لكن الفترة دى الواحد معندهوش احلام ولا اهداف , محتاج فترة بيات صيفى يخطط لحياته

    14ما هو المكان الذى تلجأ إليه عند الشعور بالوحدة وعذاب

    الدنيا؟


    الكهف بتاعى و مرافقى الدائم الكمبيوتر



    15- هل تثق بأحد من أصدقائك ومن هو ........؟

    لى اصدقاء كثر ولا اثق فى اى منهم


    16-من هو العضو المفضل لديك بهذا المنتدى وبأمانة ............؟

    بدون تردد , المشرف جلاكسى و لكن هو مش بيشارك الايام , اتمنى اشوفله مشاركات فى قسم النقاش العام
    و مستنين اجابتك على الاسئلة دى يا هابى Very Happy

    و اسف لاى حد بيقرأ المشاركة دى و حس بتشائم او احباط


    avatar
    hamada
     
     

    تاريخ التسجيل : 03/02/2011
    العمر : 27

    رد: لعبة الصراحة

    مُساهمة من طرف hamada في الجمعة أغسطس 12, 2011 4:28 am

    * اولا موضوع ممتاز جدا وتسلمى يا هابى


    1_ الحمد لله خلصت رابعه السنه دى على خير دون رسوب طوال مشوار التعليم


    لاسنه ولا ماده الحمد لله


    2_

    * الامنيه الاولى تكون عندى ملكه قانونيه عاليه زى والدى فى اى مجال ادخله


    * الامنيه التانيه احقق امل والدى وتعبه فيا خير عليه



    3_ والله بصراحه انا كان حلم حياتى انى اطلع لاعب كوره كبير بالخصوص بعد

    ماجتلى الفرصه ولعبت فى الاهلى فى دمنهور ولكن محصلش نصيب وبطلت كوره



    4_ لسه مخلص رابعه حقوق السنه دى اما بالنسبه للشغل ان شاء الله نازل المكتب مع

    والدى بعد العيد علشان بتعب فى الصيام اوى يعنى حاليا عاطل اما بعد العيد محامى

    وان شاء الله هعمل الماجستير



    5_ دمنهور



    6_ والله انا بالنسبه للنت والكمبيوتر مش هواياتى يعنى فى الاوقات الى مش لاقى حاجه

    اعملها فيها



    7_ وانا فى تانيه اعدادى وكان بسبب انى كنت بالعب كوره فى الشقه وهو كان نايم

    وصحى على صوت هبد الكوره



    8_ والله اذا مكنش ازانى ميلزمنيش اما اذا كان ازانى هولع فيه والولعه يمكن شويه




    9_ فى الحقيقه هما اتنين العدل ومنتدى الاسماعيلى اون لاين



    10_والله قبل نتيجه تانيه ثانوى سمعت كلمه من حد قريبى انى فاشل بس مع الاسف
    جبت مجموع محدش يتخيله بالنسبه ليا

    اما التانى كان لحظه وفاه انسان غالى عليا اوى



    11_ اهم شخص فى حياتى ومثلى الاعلى وامنيه حياتى انى اكون زيه فى اى حاجه
    هو والدى



    12_ والله انا جربت المشوار ده مره واحده فى حياتى زمان لكن الحمد لله انتهى
    من غير ما اجرح ولا انجرح والحمدلله لسه بجيب سيرتها بالخير واكيد هى كمان


    13_ انى افرح والدى بيا ورضاه عليا



    14_ اولا صعب انى اشعر بالوحده لآن احسن شئ فى حياتى لما اعد لوحدى ولكن

    اعشق جدا الجلوس على البحر فى وقت الغروب



    15_ انا اولا بحب كل اصحابى سواء فى مجال الدراسه او خارجه بس انا من النوع الى

    سرى محبش اقوله لحد مهما كان درجه قربه منى علشان كده مش بدخل فى مجال انى

    اثق اولا فى حد بس اكتر انسان ممكن اتكلم معاه فى شئ يخصنى هو احمد زايد علشان

    امانته واخلاصه وحبه ليا




    16_بصراحه اوى الحمد لله كل اصحابى ناس كويسه منهم مثلا الى فى المنتدى هنا زايد والعطوى وحسن سلام ودول بمثابه اخواتى


    _________________
    مـش كل حـلم نشـوفـه سهـل هـنبقي حققنـاه .. ده سـاعـات بيبقـي الـسهل صعب لـما نتمنـاه
    والدنيا عمر ما حد جالها وعاشها من غير آه
    اوقـات بـنتجـرح ونجـرح واحـنا مش حاسين .. وان حـد فـينـا حـب يفـرح فرحه يبقي حـزين
    ايـــام وبـتـعـشنـا وفــاكـرين انـنـا عـايـشيـن
    avatar
    happy
    مساعد مشرف
    مساعد مشرف

    تاريخ التسجيل : 05/06/2011
    العمر : 27

    رد: لعبة الصراحة

    مُساهمة من طرف happy في الجمعة أغسطس 12, 2011 2:56 pm


    1-فى الكلية مرة واحدة وكانت منظمات.


    2-السعادة والنجاح.


    3-دكتورة فى علم النفس والهواية عازفة بيانو بس للأسف ماحققتش أى

    حلم فيهم.

    4-لسه مخلصة كليةوإنشاء الله حشتغل بس ادعولى.

    5-دمنهور.

    6-ساعة أو ساعتين بالكتير.



    7-عمرى فى حياتى ما انضربت كنت بتخاصم بس وده كان العقاب على أى

    غلط.

    8-أكيد حبعد عنه وادعى إن ربنا يهديه.

    9-هو ده بس.


    10-كتير بس أصعب موقف هو اكتشافى لحقيقة إنسان كان بالنسبالى كل

    حاجة.

    11-ماما.


    12ولامرة ما وصيلتش لمرحلة الحب الحقييقى لأن مالقيتش الحب اللى بجد

    أما بالنسبة للجرح فانجرحت كتير من أصدقائى أما فى الحب انجرحت من

    ناس هما اللى كانوا بيحبونى والعجيب إن اتأذيت منهم كتير بس عمرى

    ماجرحت حد فى حياتى.

    13-إن أثبت ذاتى فى مهنة ألاقى نفسى فيهاوألاقى الحب اللى بتمناه

    من قلبى.



    14-حضن أمى.


    15-لأ بس الأول كنت بثق فيهم إنما دلوقتى اكتشفتهم على حقيقتهم.



    16-بصراحة وده حقيقى فعلاً(حسن -أمة الله-زايد)على الرغم إن مش

    عرفاهم شخصياً.
    avatar
    أمة الله
     
     

    تاريخ التسجيل : 31/05/2011
    العمر : 29

    رد: لعبة الصراحة

    مُساهمة من طرف أمة الله في الجمعة أغسطس 12, 2011 8:46 pm

    انا ملاحظه ان كلنا انظلمنا نفسى الاقى اللى ظلم ده هموته

    ياترى سألت نفسك مره الشخص اللى انت شايف انه ظلمك ممكن تكون انت اللى ظلمته؟
    avatar
    happy
    مساعد مشرف
    مساعد مشرف

    تاريخ التسجيل : 05/06/2011
    العمر : 27

    رد: لعبة الصراحة

    مُساهمة من طرف happy في السبت أغسطس 13, 2011 1:56 pm

    بالنسبالى يا أمة الله أنا متأكده إنى ماظلمتش اللى ظلمونى

    لأنى مخلصة فى الحب والصداقة وصريحة زيادة عن اللزوم

    وكمالأنى دايماً قريبه من ماما وبقولها كل حاجة

    لسببين علشان أنا اتعودت على الصراحة

    والسبب التانى لو ظلمت حد أو كنت أنا اللى غلطانه تعرفنى

    وهى تكون مرايتى اللى تظهرلى كل أخطائى ده فى الصداقة

    إنما فى الحب فالأمر يختلف عندى فدايماً بستفتى قلبى

    قبل عقلى وبقول أنا ظلمته بحبه ليا ولا لأ

    بلاقى الرد هو لأ بدليل إنى مادخلتش فى تجربة الحب من الأول

    علشان ما اظلمهوش معايا يارب أكون وصلتلك اللى فى قلبى
    avatar
    أمة الله
     
     

    تاريخ التسجيل : 31/05/2011
    العمر : 29

    رد: لعبة الصراحة

    مُساهمة من طرف أمة الله في السبت أغسطس 13, 2011 6:51 pm

    طيب مفكرتيش مره انك ممكن تكونى فاهمه وجهت نظر اللى قدامك غلط وممكن يكون قاصد سواء كلامه او تصرفه حاجه تانيه غير اللى اتفهمت

    Aatlasy
     
     

    تاريخ التسجيل : 27/08/2011

    رد: لعبة الصراحة

    مُساهمة من طرف Aatlasy في الثلاثاء أغسطس 30, 2011 11:22 pm

    1_لم اعيد اى سنه
    2‏"بتمنى حاجات كتير بس منها اللى اترجاه دائما اولا ان احفظ القرأن كله لالبس ابى وامى تاجين من ذهب يوم القيامه ثانيا انى اخلص الكليه بتقدير متفوق
    3‏'كان من صغرى نفسى اطلع ظابط شرطه لكن من فتره نفسى اكون فى النيابه العامه
    4‏"مازلت طالب رابعه حقوق ان شاء الله
    5‏"كفرالشيخ سيدى سالم
    6‏"كل مابكون فاضى ومعظم وقتى فاضى
    7‏"انضربت كتير اخرهم كان من بابا لمذاكره الثانويه العامه
    8‏"هقرب منه ان كان عزيز عليا او ارى فيه الصلاح اما ان كان متفرقش معاه حد هابعد عنه بس هاوده
    9‏"ده بس
    10‏"مفيش او مفتكرش بس اكتر حاجه صعبه ممكن تمر عليا ان بنت تحرجنى
    11‏"بابا وماما
    ‏12"ولا مره
    13‏"ان اخرج منها راضى امى وابى ومغفور لى ذنوبى
    14‏"فى النهار ابحث عن مكان لا ياتيه بشر كثير وغالبا ما يكون ارض خضراء اما فى الليل اكون على السطح مع النجوم اعدهم واعرف اماكنهم
    15‏"اثق فى بعض اصدقائي احمد وابراهيم ومحمد ولكن طبيعتى لا اقول جميع اسرارى لاحد فحد معين من هذه الاسرار فقط يعرف
    16‏"انا عضو جديد ولم اعرف احد بعد وان كان zayedمن لفت نظرى فيعتبرالافضل بالنسبه لى حتى الان.

    اشكركم جميعا على هذه المشاركه الجميله وكل عام وانتم بخير

      الوقت/التاريخ الآن هو الخميس أكتوبر 18, 2018 11:11 pm